A maid gaed tae the mill by nicht / hey, hey sae wanton
A maid gaed tae the mill by nicht / hey, hey sae wanton she
She swuire by aw the stars sae bricht
That she wad git her corn grund / she wad git her corn grund
Mill an mouter free
Than ooten cam the miller's lad
He swuire he'd dae the best he can
For tae git her corn grund
He pit his airms aboot her neck
He laid her doun upon a seck
An thare she gat her corn grund
Whan three lang months wis past an gane
this lassie she grew pale an wan
for gittin her corn grund
Whan nine lang months wis past an gane
this lassie haed a braw young son
For gittin aw her corn grund
Her mither baud her cast it oot
It wis the miller's stourie cloot
For gittin her corn grund
Her faither baud her keep it in
It wis the chief o aw her kin
For gittin aw her corn grund
Whan ither maids gaed oot tae play
She grat an saucht an wadna say
acause she gat he corn grund.
~Lizzy~
Subscribe to:
Post Comments (Atom)
No comments:
Post a Comment