A ship wi shields afore the daw,
Sax maidens roond the mast,
A reid-gowd croun on ane an aw,
A green goun on the last.
The flichterin green bratachs thare
Is wrocht wi leddies' heids; thay beir
Depent on ilka sail fou fair
A portraitur o Guenevere.
A ship wi sails afore the wind,
Aboot its helm sax knichts,
Wi ventils doun, an sae, hauf blind,
Thay owerpass fouth o sichts.
The flitterie scarlet bratachs' steer
Or lang will lea the trenchers bare.
Sax knichts wi dowie herts will beir
In aw thair casques some yellae hair.
William Morris (1834-96)
Subscribe to:
Post Comments (Atom)
No comments:
Post a Comment